TATI G13 - Kawarji 

خسارة يَمّا حبّيت نطلع كوّارجي 

مانكذبش عليك بلغة ligament 

حبّيت نطلع كيما عتّوقة ولا حاجي 

سرقتني الشيخة وقتلي عمري 16 ans 

صغير نحب نجيب لوَالِديّا كان الموني 

ضحكة من قلبي حاط الكُرة في الأحضان 

نجنقل برجليّا ما نعرف كلمة محوني 

حتّى وصلت الساعه اللي عرفت فيها الشيطان 

مالا دُوزة صاحبي جابهالي مالمان 

قالي انت من بر بعيد و ما فمّاش ضمان 

غيرك جرّب كبِر و و هاك تشوف عِشْرة بار 

أيّس ما تحلمش تكون في جمعيّات كبار 

يامّا سامحيني الشّارع علّمني دُخّاني 

بعّدني على الكُرة في أيّامات زماااان 

شريت الباكو من فلوس اللي ربّاني 

اللي بعثلي كرة الشايب الحنَّان 

طريق الكرة الشيء اللي تمنّيتو في صغري 

طريق الكُرة اللي نادم عليه في كُبري 

اخترت aفسادي هاذي من غلطاتي في نظري 

اخترت الشيخة مرضي باقي فيّا يجري 

نكتب من قلبي نخرّج السمّ و في الفَدّة 

كنت صغير نحبّ ليّام هاذي تتعدّى 

قُلت أيّام معدوده نريسكي فيها مُدّة 

كبرت ليوم و نكتب فيها في المِسْوَدّه 

لقيت روحي صغير ما بين القهوة و الكرة 

و امّي تناد فيّا باسمي توصّي عالصبّورة

فشلت و شاح العرق و ماعادش علبالي

أولاد الكُرز  صحوبا تحطّو جوّارات بالغورة 

من روحي من الدولة اللي ديونها شِرتيلّة 

معمّل على ربي معمّل على روحي بسم الله 

حِلمِة صُغري باذن الله ما تكونلي عِلّة 

تبقى فيّا تراس و نحكيها عليّا و الشِلّة 

قدّاش من حوماني ضاعت بيه الخطاوي 

كبر و عاش الكرة فُرجة في القهاوي 

قال يا ريت زماني يرجّعني لمكاني 

يلعن بوك يا الشيخة سرقتيلي الكُرة من احضاني