EL MOUT HYET _ الموت حياه
Hamzaoui Med Amine
ميـــزيـــريـــا زرڨة بوهـا كلب الدّنيا تمطّر
بـــني ڨديم و السّقف عليك يقطّر
كبرنا في العمر .. حتّى شيء ما تبدّل
السّيڨارو في زوز و اللّقمة بشطر شطّر كول و وكّل
أطرش نسمع فيك نسمع في كلاب تعطّل ساڨيـــن تعكّل
فـــي حومتك بطّال كيما في الأحبــــاس مكبّل
تلـقى العاقل و إلّـــــي مشنّع روحو مهبّل
إلّـــي يقمّــر و إلّــــي في عشــاه يجــمّر
و إلّـــي يڨانص في الكار و ولد الحومة عليه يصدّر
و إلّـي مسيّب رزق حلال بش يرفس عالنّعمة تكبّر
و إلّـي مكردي مالعــطريّــة باش ولادو غدوة يفطّر
ما تعرش عليها منيــن عزرائيل وقتـــــاش يحندر
آخرتك ميّت مسبول و القرآن عليــــك يرتّــــــل
.. ميزريا زرڨة بوها كلب الــــدّنيا ڨايـــلة
سيّبني مــمّا نحلم بريــڨة الـــنّوم السّايـــلة
C normal ضــد حكومة تحشي فيه بهار
هي أكثر وحدة ليوم لازمها طهّــار
في بلادي الفتنة اليوم ولّت أكثر مالدينار
خوكم مانيش مالشّعب .. jamais نولّـــي بهلول
ولد الحومة يصول ديما عندو ما يڨــول
الماء شرشاري حفر و طبعة أنسى الكاياسات
خويا في بو سالم مات .. جابولو الإعانات
و ما فمّاش حلول .. إشكي لربّي و ما فمّاش مسؤول
نڨـلّك لا لا لا للفقر .. الرّجال إلّي لهنا موتا بالشّر
حتّى للّيلة تســتنّى في الحل .. مالا ڨلولي وين المفرّ
و الملزوز على كرّو كر من غلبة لغلبة في دنيا كلبة فيها الظّلم حفر
تونس لبلاد ليوم ولّت عسّلا عسّلا
زيـد فــي الطّحين بلّة خويا هذا إلّي يوصّلا
تحكي إلّي فمّا فمّا بدنك و الله يتكــــسّلا
حليلي على وخي الثّورة ثورة عملتّلنا الفشلا
ڨـــلنا كرامة جاء مجلس لــكلاب مشتّــلا
برشا حديث فعل ما تريش .. إلڨف روحك ما تخـلّيش
على حياتك ما تحكيش .. أنتج و إكسب ما تضوّيش
في بلاد البهلول تعيش .. الدّنيا تعلّم ما تقرّيـــش
ماكـــش مجرّب من غير ما تـقـرّب رجال لـبلاد هونــيّا محـلّبا
الفقر لنّــا عامل غلــبة .. تتــنفّس تجـــيك الضّربة
مالا ڨلّي منيــن الهربــة .. ڨلّـــي منين شقف الغــربة
خــنڨطّع من بلاد الظّــلم .. لازم مخّي نخــدّم
بلادي ولّت عدم .. لبــلاد الڨــاوري زدم
نلــڨى أي خدمه .. باهية ولّا تحشّمه
يزّي ناكل نلبس هدمة
[اللازمة]
هاي هاي فـــــي زمان الرّحمة لا
هاهاي في زمان الموت حياه
هاي زعمة إلّي عشنا كلّي جــاء
Es que تتحــسن لحــوال ولّا حلّــينا باب بلا
أيمن ولد الحسناء في الجنّة بقدرة الكـبير
بلحسن ڨرل ما ننـساكش مهما يصير
مزنكر غول و بشير يخلّـص وحلك يا لعشير