Klay - 7keya | حكاية كلمات

Fi mars 91 fi 7ouma 3arbi l 7keya bdet

7keyet couple 3aychin b sotret rabi  west l 3bed

3dheb denya 7amlin b m7abethom 4elbou l mou3anet

Ye5i rabi rze9hom fil 7in waley l 3ad lehom nzed

Fi 3inhom machawouh na7ew mn femhom waklouh

B ra4m zwewla lakenhom 3omrhom mn 7aja 7ermouh

Ta3bou 3lih w 9arawouh

Loul fi clasou chefouh

Awel marra fi nje7ou chef dam3a fi 3inin bouh

Chef mimtou ki nset t3abha elli ta3betou 3lih nchel 

Ki chefet wlidha neje7 ba3d trig t3aba lin twel 

Ki ychouf fi bouh far7an yetfou5er bih west errijel 

T3alem awel dars fi 7yetou lin ma7leha thneyet l 7lel 

W ba3d mdayda w ayamet fi e5er tes3inet 

Rabi sob7anou kteb mawloud jdid lel 3ayla yenzed

Mlayka dhawet l far7a li tfet

Hadya mn 3ali tehdet

Bnaya 4alya mosrara set kol lelet l bnet

3achou snin ma7lehom yetmanewhom kol ensen 

Sa4rounethom kebret w nej7et zid wallet lelet neswen 

W fi octobre 2004 l zmen 9arer 3lehom yedwen 

Rab l 3ayla sa3etou 7adhret w hakeya che2 erra7men

L wa9t mrar 3lehom dar 

Ma fehmouch chneya li sar 

Leken hedhi 7ekmet rabi ma 3leha mlema 

Bin lila w nhar 7yethom saret kochmar 

Omhom saret mas2oula 3la zouz ytema 

7arbet denya w 3bedha kima ken rajelha 7ay 

Ma 3awdetchi kima andedha ma 5ametchi fi l 3ez ya bay 

W 7elfet 7atta l mamet chraf rajelha yab9a ki ray

Te3bet nadhlet 9arrat wledha w ma 5alethom mest7a9in chay

W l 7eml 3la ktefha tchel 7emlet t3ab ma 7emlouh rjel 

Ttlata5 m3a denya galba b galba 

Fi zmen chgeha twel waklet wledha l 7lel 

B ra4m l mizirya w l 3icha l kalba 

W lould ychouf fi omou kifech l 7eml 3leha dhgel

Kifech t7areb wa7adha fi donya w makelha l 4oll

Kifech l a3de2 metchamta w l a9areb ma3adech ki 9bal

Kifech nhar l 3id 7atta 7ad 3lehom ma s2el 

7ass bil 9ahr w bkee ki zmen 3lihom gsee w dahr warrahom abcha3 sifetou 

Mn bit sta7 bil kre w s9af y9ater bil ndee

9arer y7areb denya li baketou 

Ne9em fi l kol met7alef west nesou 3ayech 4rib 

3la tkoulibhom mtalef radhi bil 9esma w nasib 

Gel lezemni no7rek netsaref n3awen omi w l flous njib 

W t3alem theleth dars fi 7yetou li fi cheda ma talga 9rib 

Tfol 3la zouz neswen w 9arer yestarjel ya man 

W y3awen omou 3la donya w mou3anetha 

Ra4m li neje7 metmen gel lel 9raya filamen 

Bch o5tou s4ira kamlet 9rayetha 

5raj l chere3 tmared zed kse7 3la denya n9em 

D5al yboxi fi sala yerte7 wa9t li ychouf dam 

Bch ynajem y7ami 3la rou7ou la yest7a9 la 5al w la 3am 

5dem chanti 5dem l mrama w dar 3la jmi3 l 5dem 

 ba3d t3ada b staj siye3a fil 7ouma w fil virajet 

3ichet klay 100 fi se3a barcha machekel w taw9ifet

Kol youm girra fi l 7ouma m3a l mourah9in w l anded 

W fil moutarda mn l 7oukouma fi znegi west l bled 

Tsayeb 3la targ dhre3ou melli weldou 3alih 4ab 

Ma yekber fi 3inou 7ad mourahe9 ne9em zid mo3sab 

Kol youm msaba7 ya man fi ras zanga m3a l as7ab 

.................yna7i l 5anga ki yasma3 rap 

W marra jarreb  kteb 4neya w gel 3ad chbih 

5anemchi jarya nsama3ha l as7abi 

Beserga dha7kou 3lih w 7ass li mch ydourou 3lih galou kifech wakwek w t7eb trapi 

Ye5i t3arek m3a s7abou w chitan binethom 7dhar

Dharb bounya w saben w awel marra yti7 l 9dar 

Gelelhom ta3rfouni m3andi w rasi aksa7 mn l 7jar 

Bch yjikom nhar ta7fdhou 4neyeti in che2 rab l bachar 

7ass b denya dhe9et bih M3a zemen met7ami fih 

7ases ro7ou mta3eb omou l 7biba 

Chad rigla w rabi hadih gel narja3 ne5dem 3ad chbih w aw9at fara4ou 3abeha bil ktiba 

W ychouf fi omou mn 5edma sa7a mte3ha ga3da tthaz 

Rja3 ye5dem bch y3awenha w 7eml denya m3aha yhez 

Ye5dem mn 6 l 6 srad l bard fi badnou yhez 

W ki rawa7 yejbed l 9lam w yen7et bih fech 9a3ed y7ess

W mba3d b 3amin jet thawret l yassamine 

Wa9tha bedhabt 3omrou 20 snee 

7kee besm l metmardin w kteb ktiba fi l 7in 

W awel marra fi 7yetou yhabet l 4nee 

Habet artiste tounsi w houni n3ich fi 3icha zaka 

W mba3d titre 7wem w gel l dawla mother faucker 

W mba3d kteb l maktoub w t3aref 3la l 7amzewi fi baga 

W bde tarig enaje7 b 4neyet l 3echra w zakataka 

Fi 10 snin mouzika li sar kol fibelkom bih 

W arja3 l 4neyet one million a taw talga 7kee 3lih 

Fi le5er o5tou t5arjet ostedha omou far7an beha w bih 

W rabi 7abeb fih 5al9ou 3la 5atrou mrodhi weldih 

Ki 7kitlek l 7keya hedhi manich n5arej fi ro7i batal 

Man7ebekch to4zorli 9odwa w ella todhreb bya l mathal 

7kitlek bch ta3ref kifeh t3arek bi charaf ma ttdhal 

W ta3ref elli bo5lef el mout l akber kol chay 3andou 7al 

W mba3d ma sma3tni cha7kit n9olek kif bch tna7i l kit

5amem fi 7alek 10 snin l 9odem mahma 3aksetek ki chdit ma nasma3 kelmet 3yit lezem 7ala 5ir mn tawa w salem